[i54₇]

DE LA VILLEDE PARIS.

du Bellay '^l' leur avoit dit que le Roy luy avoit commandé dire aud. Prevost qu'il voulloit et entendoit que l'on ostat et divertist le cours des aigoustz et ruisseaulx qui vont et fluent depuis la porte'²' Baudoyer jusques aux aigoustz de lad. Ville, le long du parc des Tournelles. Aussi qu'il entendoit et voulloit que l'on divertist le cours du ruisseau estant devant les Tournelles, qui dérivé de la rue Sainct Anthoine, pour empescher qu'ilz ne s'espande plus, courrant devant lesd. Tournelles, mais que l'on face que led. ruisseau preigne son cours vers et dedans la riviere de Seyne, prenant son cours par la rue Sainct Pol ou autre endroit plus convenable. Et leur avoit prié se trouver devers luy, quant ilz seroient de retour à Paris, pour aller sur les lieux et adviser sur ce. Auquel Reverandissime led. Prevost auroit faict responce que autresfoys monseigneur le Reverandissime Cardinal de

Meudon avoit envoyé au Bureau de Iad. Ville lettres patentes du feu Roy, par lesquelles il voulloit que l'on divertist le cours du ruisseau de la porte Baudoyer, pour icelluy faire descendre dedans lad. riviere, pour eviter aux eaues crouppies, venans du poisson de mer fraiz et salé, et autre poisson vendu aud. lieu de la poïte Baudoyer, afin d'éviter à la puantise desd, eaues croupies, passans près desd .Tournelles pour descendre aux aigoustz; que, en ensuivant led. mandement, ilz avoient faict incontinant, sans delay, veoir et visiter lesd, lieux par les Maistres des euvres de lad. Ville et autres jurez et expers et gens à ce congnoissans. Lequel rapport ilz ont par devers eulx et le communiqueront aud. seigneur, quant bon luy semblera; et au surplus que, si tost qu'ilz seroient de retour à Paris, ilz se retireraient par devers luy, pour luy faire compaignée et entendre sur ce son bon voulloir.

CIV [LIII]. — Missives du Roï pour la pompe funèbre de son pere.

io mai 15/17. (Fol. 58.)

Du dixiesme jour de May mil v^c xlvii.

Aujourd'huy mess™ de la Bourdoisiere'³', Tresorier de France, Mandosse'⁴', premier Maistre d'Hos-tel du Boy, et le s^r de la Roche de Pouzay'⁵', Maistre d'Hostel dud. seigneur, ont presenté certaines lettres missives, dont la teneur ensuit:

5 mai 1547.

"De PAR LE IiOY

k Très chers et bien amez, nous avons donné charge à noz amez et feaulx les Senechal d'Agenoys, l'ung des cappitaines de noz gardes, et s^r de la Bourdaisière, Tresorier de France, de Mandosse, de la Har-gerye et de la Roche de Pouzay, noz Conseillers et Maistres ordinaires de nostre Hostel, et aux deux et trois d'entre eulx, en l'absence des autres, eulx re-

tirer par devers vous pour communiquer avec vous du faict des obseques et funerailles du feu Roy, nostre très honnoré seigneur et pere. Vous priant, et neantmoings ordonnant les croire de ce qu'ilz vous diront en cest endroit, de nostre part, tout ainsi que vous vouldriez faire nous mesmes. Etau surplus, vous leur baillerez par escript l'ordre et rang auquel vous prétendez devoir marcher en ceste pompe funèbre, pour le nous rapporter, afin de y imposer nostre decret et ordonnance, pour eviter aux differens, combustions et debatz qui par cy devant sont souvent intervenuz en telz affaires Rassemblées. Sin'yvueillez faire faulte, car lel est nostre plaisir. Donné à Es-couen'⁰', le cinquiesme jour de May mil v° xlvii."

' Signé: "HENRY, Du Thier."

O Jean du Bellay, diplomate, poète latin, cardinal, né en 1/193, mort à Rome le 16 février i56o. ll fut successivement évêque de Bayonne ( 1526), ambassadeur en Angleterre (1527), ambassadeur à Rome, évêque de Paris ( 1532), cardinal (1535), lieutenant général en Champagne et en Picardie ( 1536). Vers l'époque où nous sommes arrivé, il se retira à Rome, où Paul IV le créa évêque d'Ostie.

^(!) Le scribe a écrit fautivement l'apport.

⁽3> Philibert Babou de la Bourdaisière, Trésorier de France et de l'Epargne (1523), pourvu de la surintendance des Finances en 1 524 , par Louise de Savoie, mort maitre d'hôtel du roi, en 1557.

⁽⁴' Le s' de Mandosse remplissait encore ces fonctions de premier Maître d'Hôtel auprès de Charles IX ; il portait aussi le litre de chevalier de l'ordre, le 23 janvier 1662, alors qu'il vint annoncer au Parlement, de la part de Catherine de Médicis, le départ de Charles IX pour l'armée. (Archives nat., X¹' i6o4, fol. 195.)

(-) Jean Chasteigner, seigneur de la Rochepozay, de Saint-Georges-de-Rexe, dela Rochefatou, de la Meilleraye, etc, chevalier de l'ordre de Saint-Michel, conseiller et chambellan des rois François I" et Henri II et leur maître d'hôtel ordinaire, mourut Agé de soixante-dix-sept ans, le 1" juin 1567. (André Du Chesne, Hist, généal, de la maison des Chasteigners, in-fol., i634, p. 229 ^e- -^ui^v-)

'•' Ecouen, canton de l'arrondissement de Pontoise (Seine-et-Oiss).